التعميم المتسرع (1)
شلووونكم .. مثل ما وعدناكم اليوم راح نسولف على مغالطة التعميم والي تعتبر من اكثر المغالطات إنتشارا .. والي معناه :( ناخذ صفة لجزء معين ونعممه على الكل )
الأمثلة راح توضح السالفة /
* سمعت بهاي الطيارة الي تفلشت جانت تقوده مرية ؟
- لعد شكتلك اني النسوان ما يصلحن لقيادة الطيارات !!
* شفت هذا الفيديو مال الايراني الي يسب بالصحابة ؟
- يي .. موكتلك الايرانيين ماينظفون لا والنبي !!
* العلاج الي انطانياه الدكتور بالعراق .. طلع غلط وضرب على كلياتي
- هم اطبائنه علم فهم ..!!
الامثلة الفوك تبينلنه انه اخذنه حالة سلبية واحدة وعممنه بيه على البقية وهلشي مو صحيح ..
يگول جوردور :
ما نكاد نتلقى حبة من الوقائع
حتى نشيد منها قبة من التعميمات
وأخيرا علينا ان نتبع الاسلوب العلمي في استخلاص التعميمات ، وان نتجنب التعميم المتسرع وان نملك تعميماتنا ولا تملكنا .. اي نجعل منها مجرد فروض عمل قابلة للمراجعة و التنقيج ، لا إعتقادا صلبا يأخذ علينا سبل التأمل ويسد علينا منافذ التفكير .
نكمل باجر ومغالطة جديدة بعنوان
#السؤال_المشحون
#محمد