شنو لون باب بيتكم ؟ شكد عدد الغرف ببيتكم ؟
منو آخر شخص دك باب بيتكم وشيريد؟
منو آخر شخص خابرج؟ الي تكول حبيبي بلوك 😡
اعتبري آخر اكلة اكلتيها اسم ابنج المستقبلي 😂
اعتبري آخر رقمين من رقمج هو عمرج من تزوجين شكد يصير؟
.
.
مختصر عن كروبات البنات العراقيات (بصفتي بنية) 😊
المشكلة مو بأم البوست ، المشكلة ب2000 تعليق عليها !!
صديقتي بالوقت الي تعلقين بي على هيجي بوست اسألي نفسج شنو استفاد من أجاوب ؟!
مع العلم ماكو أي مشكلة انه نفرفش شويه .. أصلا اني من ضايجه اظل اباوع مقاطع مضحكة 😂
بس بنفس الوقت لازم نوازن بين هاي وهاي .. يعني يا حلاته :
- وقت للفرفشة
- وقت لقراءة مقال علمي
- وقت لنشر قصة ذات حكمة
- وقت للكروبات الفكرية
( يعني هم نزيد من معلوماتنا وهم نفيد عقولنا وهم نرفه عن انفسنا )
وبهاي الحالة نكون منصفين مع إنسانيتنا ..
أما ان يكون اغلب وقتنا بهاي المنشورات و التعليقات ، فحتى خوارزمية الفيسبوك راح تعطي اولوية دائما لهكذا منشورات لإظهارها في قائمتنا الرئيسية .. ويا سلام سلم إيه الحلاوة دي الي حنعيشه 😜
وبالنسبة لكروبات الولد .. يمكن نفس الحالة إلا اذا اثبت الولد العكس 😏
جرعة وعي