#الى_سواق_التكسي...#مع_التحية
صارت وياي هاي القصتين :
الأولى /
أجرت سيارة من بيتنه الى فلكة التربية / بكربلاء
سالفة و ضحكة ويه ابو التكسي .. شويه و جان يكلي
خويه خو ماكو إشكال أدخن ؟
إذا تضوج او تتأذه من الدخان كلي ..
#الموقف كلش عجبني وصراحة اني عندي حساسية .. فكتله إي والله خويه عندي حساسية من الدخان .
فكال تدلل ..
وصدك ما ورث الجكاره وخلصنه الطريق ضحك و سوالف 💜
الثانية /
صعدت ويه ابو التكسي فجان عالك أغاني بموبايله
فأول ما صعدت .. وره الله بالخير الله بالخير
- كلي .. تسمع أغاني ؟
- كتله ليش ؟
- كال إذا ما تسمع حتى أطفيه !
فكمل كلامه وكال :
الفترة إلي يصعد بيه العبري وياي ، السيارة ملكه مو ملكي ويريد ياخذ راحته , صاعد بفلوسه قابل إبلاش !
صدك عجبني تفكيره ..وهلشي هو الصحيح 👍
1000 تحية ..لكل صاحب مهنة شريفة ذو تفكير رائع 😘
#محمد