احتقر الفعل لا تحتقر الفاعل

شخص يخطأ خطأ او يسوي شي موزين احيانا 
حتى من دون قصد ومجرد غلطة وهالشي عادي ماكو شخص مايغلط بحياته ..

اني وانت وكلنا مو اشخاص مثالين ولا اشخاص معصومين من الخطأ وكلنا اخطأنا وقصرنا مرة ومرتين وعشرة ، طول عمرنا وراح نخطأ بعد لان اني وانت بشر نخطأ مرة ونصيب مرة وهالشي موجود بطبع البشر "كل ابن ادم خطاء وخير الخطائين التوابون" .

لكن الشي المحلو ابد هو نظرة الناس لهذا الشخص باعتبار انه اخطأ وسوى شي غلط او عيب وبدل مايستر عليه وينصحه ويحفظ كرامة اخوه ، يروح ويحجي ويفضح هنا وهناك ووييييه شوفوا هذا فلان ابن فلان سوى هيج 😨 
والله مجنت متوقع منا هيج تصرف.... الخ

ويبدا الحجي الصاعد والنازل وتبدا الغيبة والنميمة وواحد ينقل للثاني ومن يشوفوه ماشي واحد يباوع للثاني ويكله شوف هذا سوى هيج وهيج..🙊
يااخي عييب وحراام هالتصرف وغير لائق خليك بنفسك والتهي بيها وعوف الناس بحالها ربك ادرى بحالهم .
قال رسول الله :
"من ستر مسلما ستره الله يوم القيامة" 
وكثيييرة الاحاديث والايات والقصص الي تحجي عن هالموضوع دليل على خطورته وكمية الاذى الي ممكن تسببا لكثير من الناس واعرف انه كما تدين تدان والدنيا تدور ومثل ماسويت هيج راح يجي يوم وانت هم تغلط والناس تباوع عليك وتحجي وتكول وييي شوفوا شسوه 😏

#الخلاصة

عزيزي لاتحتقر شخص ولو رأيته يعصي الله باكبر الكبائر فأنت لاتدري من سيكون يوم القيامة اقرب الى الله انت ام هو...

#نور