كان ياما كان في قديم الزمان
اكو شخص إسمه ( ثقوفي ) هذا يمشي ويذب زبالته بالشارع .. شرب بيبسي شمر القوطية ، شرب مي ذب البطل ، دخن جيكارته شمر الكطف بالكاع ، خبلني من وره هاي سوالفه 😔
بذاك اليوم كتله ثقوفي بحكم اسمك مشتق من الثقافة وان شاء الله انت انسان مثقف فهاي السالفة مالتك تره عيب و مو صحيح .. لو تبطله أحسن ؟
شو العينتين استرخَ وكال باع ابو الشباب ، راح انطيك 4 أجوبة لسؤالك هذا حتى منا ورايح بعد ما تظل تعلق على تصرفاتي .
ج 1/ في لحظة رمي ماتبقى في يدي لا ارى أنه فعل سيء ، بل كل مافي الامر انه حاجة زايدة خو ماتبقه بيدي
ج2/ وبالنسبة للشارع قابل راح يصير مزبلة من وره جكارة ثقوفي
ج3/ زين بعد اخوك هو الوضع خربان من فوك ، وانت لاحكني على هاي السالفة
ج4/ اخر اجاباتي الموقرة هي وينه الحاوية حتى أذب بيه الزبالة !
صراحة اجاباته مو مال واحد يغلس عنه مما اضطرني ان اشرب استكان چاي من هذا ابو الهيل الاصلي وكعدتله ركبه ونص وبلشت :
1/ ما تبقى في يدك هو حاجة زايدة على نفسك مو على المجتمع والعقل و المنطق يكول ( ميصير تفيد نفسك و تضر الآخرين ) وانت هنا دا تضر الممتلكات العامة الي هي ملك الجميع
2/ استصغار شأن الفعل وهنا الطامة الكبرى ، وهلشي ابد مو صحيح تدري ليش ثقوفي ؟!
اغلب الناس دا يفكرون نفس تفكيرك وبدليل شوف الوصاخة و الزبالة مالية الشوارع .. صح هو بطل مي بس بطل على بطل على بطل راح يصيرن بالآف !
3/ بهذا جوابك انت دا تثبت انو هلشي غلط ، زين الشي الغلط ابرره بشي اغلط منه !!
على حجيك هذا اذا فلان يبوك مليون فعادي اني ابوك مية الف .. اهم شي اني اقل منه !!
4/ بالنسبة للحاوية تره كل مكان اله حاوية ذات مكان محدد ، خو مو يصنعولك و يحطولك حاوية بين متر و متر !
انت تعب رجليك واتمشه لأقرب حاوية وذب الزبالة واذا ما لكيت حاوية قريبة فكلش عادي تخليه بيدك او بالسيارة تره مو عيب وانما العيب انه تذبه بنص الشارع و تكون قدوة سيئة لإبنك او لأخوك الصغير .
الحجي ابيناتنه شو ثقوفي طكله صفنه على الحجي و ظل ساكت وهو بطبعه ميكلك حجيك صحيح كل امكانيته يسكت وهو دليل الصحة .
#محمد
اكو شخص إسمه ( ثقوفي ) هذا يمشي ويذب زبالته بالشارع .. شرب بيبسي شمر القوطية ، شرب مي ذب البطل ، دخن جيكارته شمر الكطف بالكاع ، خبلني من وره هاي سوالفه 😔
بذاك اليوم كتله ثقوفي بحكم اسمك مشتق من الثقافة وان شاء الله انت انسان مثقف فهاي السالفة مالتك تره عيب و مو صحيح .. لو تبطله أحسن ؟
شو العينتين استرخَ وكال باع ابو الشباب ، راح انطيك 4 أجوبة لسؤالك هذا حتى منا ورايح بعد ما تظل تعلق على تصرفاتي .
ج 1/ في لحظة رمي ماتبقى في يدي لا ارى أنه فعل سيء ، بل كل مافي الامر انه حاجة زايدة خو ماتبقه بيدي
ج2/ وبالنسبة للشارع قابل راح يصير مزبلة من وره جكارة ثقوفي
ج3/ زين بعد اخوك هو الوضع خربان من فوك ، وانت لاحكني على هاي السالفة
ج4/ اخر اجاباتي الموقرة هي وينه الحاوية حتى أذب بيه الزبالة !
صراحة اجاباته مو مال واحد يغلس عنه مما اضطرني ان اشرب استكان چاي من هذا ابو الهيل الاصلي وكعدتله ركبه ونص وبلشت :
1/ ما تبقى في يدك هو حاجة زايدة على نفسك مو على المجتمع والعقل و المنطق يكول ( ميصير تفيد نفسك و تضر الآخرين ) وانت هنا دا تضر الممتلكات العامة الي هي ملك الجميع
2/ استصغار شأن الفعل وهنا الطامة الكبرى ، وهلشي ابد مو صحيح تدري ليش ثقوفي ؟!
اغلب الناس دا يفكرون نفس تفكيرك وبدليل شوف الوصاخة و الزبالة مالية الشوارع .. صح هو بطل مي بس بطل على بطل على بطل راح يصيرن بالآف !
3/ بهذا جوابك انت دا تثبت انو هلشي غلط ، زين الشي الغلط ابرره بشي اغلط منه !!
على حجيك هذا اذا فلان يبوك مليون فعادي اني ابوك مية الف .. اهم شي اني اقل منه !!
4/ بالنسبة للحاوية تره كل مكان اله حاوية ذات مكان محدد ، خو مو يصنعولك و يحطولك حاوية بين متر و متر !
انت تعب رجليك واتمشه لأقرب حاوية وذب الزبالة واذا ما لكيت حاوية قريبة فكلش عادي تخليه بيدك او بالسيارة تره مو عيب وانما العيب انه تذبه بنص الشارع و تكون قدوة سيئة لإبنك او لأخوك الصغير .
الحجي ابيناتنه شو ثقوفي طكله صفنه على الحجي و ظل ساكت وهو بطبعه ميكلك حجيك صحيح كل امكانيته يسكت وهو دليل الصحة .
#محمد