مثال بسيط للأخفاق في التعامل المجتمعي..
في السوبر ماركت جنا واگفين في السرة - الصف - علمود نحاسب الكاشيرالصف بطيء ومتأخر لدرجة أنك تحس المفروض تشمر هالشكم غرض اللي اشتريتهن وتطلع..
حركت راسي علمود اشوف سبب التأخير مجموعة أطفال واگفين يم الكاشيير ووياهم حلويات - نساتل - يردون يحاسبون..
الموضوع عادي لحد هسه
وحده من النسوان الواگفين في الصف بدت تتابع الاطفال ذوله وين اهلهم ، وفعلا طلعت امهم واكفه برا السرة ومنتظرتهم يخلصون
الموضوع عادي
المشكلة انه الاطفال ذوله وياهم كميه حلويات وشوكولا م يعرفون اسعارها ، ويسألون ابو الكاشيير عن السعر وبعدين يتباحثون اذا ياخذوها أو لا وهكذا المسألة لكل واحد منهم ، وياخذون ويحاسبون ويرجعون ويتونسون ويتضاربون..
نفس المريه اللي رصدتهم التفتت لأمهم كلتلها
عيني ، لخاطر الله شوفي جهالج ذولة مأخرين العالم وخابصين الدنيا وفوكاها داخلين بدون سرة.
ردت عليها الام بكل برود
اني ما مشتريه شي
جاوبتها المريه
يا أختي انتي ما مشتريه شي ، بس خليتيهم كدامنه وطلعتي
المهم بعد قرابة نص ساعه ، وربع ساعه فوكاها الى ان يحسبون فلوسهم ويجمعون واحد من الثاني ، الاطفال خلصو موضوعهم عادي جددا
المشكلة الأم نفسها وياهه بتها الجبيرة ماكدرت تحشرها ويه الاطفال تحاسب ، اسمعها توجه بتها تكللها خلي السره البصفج يتحرك وحشري نفسج بيه علكيف ،
والبنيه فعلا سمعت كلام امها وضربت السرة اليمها ودخلت تحاسب..☹️
........
من هذا المثال ونقيس وناخذ درووس مو درس واحد
-اول شي ، التربيه والقدوة الفاسدة وانعكاسها على فساد المجتمع ككل 👎
- ثاني شي ، اذا شفنه هوسه بمكان معين ، سوبر ماركت ، شباك صيدلية ، استلام نتائج بمستشفى...الخ ،
كلنا ذوله مخربطين ليش ميسوون سرة ، واذا صار السرة تلكه مثل هيج نماذج يخربط لو ميتحمل ينتظر ربع ساعه الى ان يجي دورة حاله حال الناس الواگفة ويخبصها مستعجل وماكدر اوكف ومدري شنو ، والطامة الكبرى من كم واحد واگفين بالسرة ينطوه مجال ويدخلوة بالسرة على ابو خطيه وتسهيل أمر😡 ،
لعد وحقوق الناس الواگفه شنو!!! ويا ترى كل اللي قبلك يقبلون بالشي اللي سويته ، استشاريتهم واحد واحد مثلا ؟؟؟!!! 😐
......اكو أشياء يحتاج نراجع بيها انفسنا
بس مشكلتنه عدنا شماعه نعلگ عليها 😪
المشكلة كلها من الحكومة 🙄
------------
حنا