اليوم العالمي للطفولة 👪
( زمن القراءة : دقيقة و ٤٥ ثانية ⏰ )الكل يطالب ب #قانون_حماية_الطفولة ، وهالقانون المفروض ضمن القوانين اللي تُسن في كل بلد ، من حق الطفل انه يحصل على قانون حماية الطفل ، لأنه المفروض يحميه من المجتمع ومن نفسه ومن عائلته حتى...
هالشي الكل يطالب بيه ، بغض النظر عن امكانية تطبيقه بوقت قريب وكلنه نشك بهالشي طبعا بطبيعة الظرف الراهن
ببلد الــ #لا_قانون نسبيا 😴
لكن اكو شي اهم لازم نطالب بيه ، وهو قبل لا نجيب اطفال ونرميهم بهالعالم ، وبعدين نفكر بحقوقهم ومطاليبهم
انه نفكر شلون نكون جديرين بيهم
شلون تكون أب تستحق هالأبوة
وأم تستحقين هالأمومة
لان الطفل اذا ما حصل على هالأمرين
فما راح يحميه أي قانون طفولة بالعالم ..
الطفل هو أنسان ينضاف لهالعالم ، ومهمة أنجابة أهم وأصعب مهمة بالوجود ، الطفل مو مسؤوليته أنه يقوي علاقة أثنين ما متفاهمين بحيث يكون انجابة للدنيا هي الذريعه اللي تخلي علاقتهم أقوى وتربطهم ببعض أكثر ويخليهم مستمرين بعلاقة كان لازم تنتهي أو تتصلح بطرق أخرى غير أنجاب ضحية ثالثة ..
الطفل مو مسؤول عن أنه يرفع عنج وعنك نظرة المجتمع بكونكم صالحين للانجاب أو لا
ويخليكم تخلصون من الاسئلة الازلية
- شصار عدكم ؟ شعجب لسه ما خلفتو ؟
ها خاف الصوج بيها ؟
ها خاف الصوج بيه ؟
وكأنه قانون ثابت لازم تتزوجون منا تجيبون أبناء منا ، ماكو شي اسمه قدرة ، استعداد ، مسؤولية كونك أب
أو كونج أم...
الانجاب البايولوجي بحد ذاته مو فخر لأن عفواً حتى الحيوانات قادرة على هالشي
لكن الفخر هوه مابعد الانجاب ، وهو بالتربية وتحمل المسؤولية ، الفخر لطبيعة الانسان اللي راح يطلع...
لذلك قبل لنطالب الحكومات والتشريعات بقانون حماية لاطفالنا ، الأجدر انه نطالب أنفسنا بهالشي أول..
#حنا