راح نحجي بدقيقتين عن مشكلة جداً مهمة, وبنهاية البوست عدنا حل ممكن نطبقه كلنا, ولربما يكون عندك حل اخر نكدر نعرفه .
( زمن القراءة : ٢ دقيقة ⏰ )
خل نبلش بهاي القصة الي قريتها قبل مدة على موقع احدى الوكالات:
" فاطمة, فتاةٌ تكادُ تكمل الخامسة عشر عام, تزوجت قبل سنة بعد ان رضخت لالحاح والدها المقعد وانجبت طفلها الاول قبل عدة شهور , من حسن حظ فاطمة انها لم تمت جراء النزيف الحاد الذي اصابها عند ولادة ابنها الاول, لكن حسن الحظ لم يكن ذاته مع زوجها الذي يكبرها خمسة عشر عاما والذي استمر يضربها على حد تصريحها حتى واخيرا قررت طلب الطلاق منه, لكن ولان زواجها تم بواسطة رجل دين بعيداً عن المحكمة ولكون زوجها يرفض موضوع الطلاق فانها الان في الوسط بين مستقبل مجهول لأم مطلقة في مقتبل عمرها وبين كونها زوجة تعيسة لما تبقى من حياتها."
مثل فاطمة الي فوگ فواطم هواي بمجتمعنا، والغالبية بين الي يموت جراء الولادة، وبين الي يصابون بأزمات نفسية او ينتهي موضوعهم كمطلقات.
طيب, اذا جنه منصدك بالقصص المنقولة فبالضرورة نصدگ بلغة الارقام.
#الاحصائيات هاي بعضها صادر من جهات رسمية وبعضها من منظمات المجتمع المدني:
٢٤٪ من القاصرات العراقيات متزوجات!
اكثر من ثلث المتزوجات في العراق هن من القاصرات!
٦١٪ من حالات زواج القاصرات تنتهي الى الطلاق!
وغير وغير من الارقام الي تدل على حجم هاي المشكلة
.....
الغريب بعض الاشخاص مصر ان يزوج بنته بحجة الستر وهي تكاد ان تكون طفلة وبين طبعا الي يتزوج قاصر لاسباب تتعلق بالشرف او الجنس او لان شكلها جميل ويخاف يسبقها اله غيره!!
عزيزي شوف...نسب الوفايات نتيجة للحمل المبكر بالاضافة لتشوه الحوض عالية عند المتزوجات القاصرات وكذلك حالات عدم اكتمال نمو الطفل وغيره من الامراض الي ممكن تصيبه ، وبنسبة غير قليلة الكثير من القاصرات المتزوجات يتجهن للانحراف السلوكي لاسباب كثيرة.
هذا من جانب ومن جانب ثاني برايك بنية ماعاشت طفولة كاملة او بنية بعمر المراهقة الوقت الي هي تحتاج ان تستقر نفسيا وتبني نفسها, هالبنية شلون راح تكدر تربي اطفال؟! , هالبنية شلون راح تكدر تتعامل ويا مشاكل الحياة الزوجية ومسؤولياتها؟! , كل هذا يقود هالزيجات للطلاق, وهذا طبعا راح يأثر على جيل ثلثه متربي على ايدي قاصرات عاشن بالغالب معاناة بانواع عدة !
المشكلة ايضا هنا انه القاصر متكدر تطالب بحقوقها لان غالباً ما مسجل زواجها قانونيا وبهذا سولفلي عن الفرص الي تبقى عدها بالحياة بعد متتورط او تجبر على مثل هذا 💔
طيب، هسة تكلي اني بعائلتي الموضوع مموجود، ومسوي الي علي، شنو الي بيدي؟
اني اكلك... #الحل الي نكدر نسويه بأايي انه على الاقل مرة وحدة كل مدة ننتقد هالسالفة بالاماكن المختلفة، خصاً انتو خواتي الي اقرب للحالة ، بهاي الطريقة المقبل على الزواج من قاصر او القاصر الي ناوية تتزوج تعرف المخاطر الي راح تواجهها، وتعرف ان الموضوع خطأ.
بتجربة شخصية قبل مدة انفتح هالموضوع بشكل عرضي بالجامعة، فهواي حجينا عليه، بعدين واحد من الي جانوا كاعدين والي طلع ناوي على اساس يخطب بت جيرانهم الي بالاول متوسط حاجانا على الكلام الي صار وغير رأيه .
بالنهاية، الموضوع بيه تفاصيل هواي وواسع، لهذا تكدر تبحث باكثر من مكان حتى تكدر تواجهه بقوة واحنا بدورنا نحاول ننزل عليه اكثر من بوست كل مدة حتى نتناول جوانبه البقية... واتذكر انه انسانياً، عقلياً، قانونياً بدرجة ما وحتى دينياً من جوانب, هالموضوع مرفوض لذلك ضروري دائماً تنتقده وتوعي بشأنه ولربما، تنقذ حياة انسان او اكثر من الضياع.
#يونس
( زمن القراءة : ٢ دقيقة ⏰ )
خل نبلش بهاي القصة الي قريتها قبل مدة على موقع احدى الوكالات:
" فاطمة, فتاةٌ تكادُ تكمل الخامسة عشر عام, تزوجت قبل سنة بعد ان رضخت لالحاح والدها المقعد وانجبت طفلها الاول قبل عدة شهور , من حسن حظ فاطمة انها لم تمت جراء النزيف الحاد الذي اصابها عند ولادة ابنها الاول, لكن حسن الحظ لم يكن ذاته مع زوجها الذي يكبرها خمسة عشر عاما والذي استمر يضربها على حد تصريحها حتى واخيرا قررت طلب الطلاق منه, لكن ولان زواجها تم بواسطة رجل دين بعيداً عن المحكمة ولكون زوجها يرفض موضوع الطلاق فانها الان في الوسط بين مستقبل مجهول لأم مطلقة في مقتبل عمرها وبين كونها زوجة تعيسة لما تبقى من حياتها."
مثل فاطمة الي فوگ فواطم هواي بمجتمعنا، والغالبية بين الي يموت جراء الولادة، وبين الي يصابون بأزمات نفسية او ينتهي موضوعهم كمطلقات.
طيب, اذا جنه منصدك بالقصص المنقولة فبالضرورة نصدگ بلغة الارقام.
#الاحصائيات هاي بعضها صادر من جهات رسمية وبعضها من منظمات المجتمع المدني:
٢٤٪ من القاصرات العراقيات متزوجات!
اكثر من ثلث المتزوجات في العراق هن من القاصرات!
٦١٪ من حالات زواج القاصرات تنتهي الى الطلاق!
وغير وغير من الارقام الي تدل على حجم هاي المشكلة
.....
الغريب بعض الاشخاص مصر ان يزوج بنته بحجة الستر وهي تكاد ان تكون طفلة وبين طبعا الي يتزوج قاصر لاسباب تتعلق بالشرف او الجنس او لان شكلها جميل ويخاف يسبقها اله غيره!!
عزيزي شوف...نسب الوفايات نتيجة للحمل المبكر بالاضافة لتشوه الحوض عالية عند المتزوجات القاصرات وكذلك حالات عدم اكتمال نمو الطفل وغيره من الامراض الي ممكن تصيبه ، وبنسبة غير قليلة الكثير من القاصرات المتزوجات يتجهن للانحراف السلوكي لاسباب كثيرة.
هذا من جانب ومن جانب ثاني برايك بنية ماعاشت طفولة كاملة او بنية بعمر المراهقة الوقت الي هي تحتاج ان تستقر نفسيا وتبني نفسها, هالبنية شلون راح تكدر تربي اطفال؟! , هالبنية شلون راح تكدر تتعامل ويا مشاكل الحياة الزوجية ومسؤولياتها؟! , كل هذا يقود هالزيجات للطلاق, وهذا طبعا راح يأثر على جيل ثلثه متربي على ايدي قاصرات عاشن بالغالب معاناة بانواع عدة !
المشكلة ايضا هنا انه القاصر متكدر تطالب بحقوقها لان غالباً ما مسجل زواجها قانونيا وبهذا سولفلي عن الفرص الي تبقى عدها بالحياة بعد متتورط او تجبر على مثل هذا 💔
طيب، هسة تكلي اني بعائلتي الموضوع مموجود، ومسوي الي علي، شنو الي بيدي؟
اني اكلك... #الحل الي نكدر نسويه بأايي انه على الاقل مرة وحدة كل مدة ننتقد هالسالفة بالاماكن المختلفة، خصاً انتو خواتي الي اقرب للحالة ، بهاي الطريقة المقبل على الزواج من قاصر او القاصر الي ناوية تتزوج تعرف المخاطر الي راح تواجهها، وتعرف ان الموضوع خطأ.
بتجربة شخصية قبل مدة انفتح هالموضوع بشكل عرضي بالجامعة، فهواي حجينا عليه، بعدين واحد من الي جانوا كاعدين والي طلع ناوي على اساس يخطب بت جيرانهم الي بالاول متوسط حاجانا على الكلام الي صار وغير رأيه .
بالنهاية، الموضوع بيه تفاصيل هواي وواسع، لهذا تكدر تبحث باكثر من مكان حتى تكدر تواجهه بقوة واحنا بدورنا نحاول ننزل عليه اكثر من بوست كل مدة حتى نتناول جوانبه البقية... واتذكر انه انسانياً، عقلياً، قانونياً بدرجة ما وحتى دينياً من جوانب, هالموضوع مرفوض لذلك ضروري دائماً تنتقده وتوعي بشأنه ولربما، تنقذ حياة انسان او اكثر من الضياع.
#يونس