( لمن يريد نسخ ولصق المنشور .. فله كامل الحرية بذلك )
سنة دراسية سعيدة للكل 😍😍🙊
ادري أحنه نتكأب بالدراسة وينه وين السعادة 😂
من أول يوم نداوم نسأل ع العطلة وننتظر الخميس 😂
الدراسة مفروضة علينا فرض 😪
ودائما نسمع هالجملة " شكد أكو تاركين الدراسة وناجحين بحياتهم " !!
لا وفوكاها ندرس 16 سنة ونكعد بالبيت!!
وبعدين منو مات وأخذ شهادته وياه؟؟
شهادتك نكعها واشرب ميها 😪
ونيوتن وكعت عليه التفاحة وخبصنا بالجاذبية 🍎😂
.
.
هذا الكلام الي نسمعه عن الدراسة بمجتمعنا ،
زين خلي نجي نسولف ع الدراسة بمنظورها الحقيقي وليش هي مهمه لدرجة كل دول العالم عندها مدارس واكاديميات !؟
بداية أريدكم تلقون نظرة ع المكان الي كاعدين بي هسه؟
شنو موجود بهالغرفة؟ تلفزيون؟ لابتوب؟ تكييف؟ حتى لو بس بنكة؟
زين أصفن ع الموبايل الي بايدك؟
أني كإنسان عادي أكدر اصنع هيج شي؟؟
طبعا لا لأن لازم اعرف كل الأساسيات والتقنيات والمواد الي لازم اصنع منها هالجهاز الي حجمه سنتمترات بس يربطنا بكل العآلم 💙
هذا كمثال كلش بسيط عن العلم ،
المعادلات الفيزيائية الي ندرسها تدخل بالجهاز!
بس أحنه ندرسها منعرف ليش ..
دراستنا بالعراق مجرد كلام ( ولا مرة ربطناها بالحياة )
الأستاذ يدرسنا ويريدنا ننجح وبس !
وهذا قمة الفشل.
الأستاذ الي يخلي المواد العلمية مملة يعتبر مجرم 💔
لأن العلوم أحنه
العلوم حياتنا
العلوم كلشي بواقعنا!
لازم نتعامل ويه الدراسة مثل تعاملنا ويه تطبيقاتها التكنولوجيا ..
أحد علماء الفلك يقول :
( نحن مرتبطون مع بعضنا بيولوجيا، مع الأرض كيميائيا، مع الكون ذريا ) .
كل كلمة ندرسها بالمناهج العلمية ممكن تقدمنا خطوة لحتى نكتشف علاج جديد! جهاز طبي جديد يساعد المرضى 💔
مو الله خلقنا خلفاء ع الأرض نعمرها ونصلحها؟
مو هذا هدفنا من الحيآة؟
مو سبحانه بكتابه يكول " إنما يخشى الله من عباده العلماء " ؟
كلما نسبر أغوار العلم نشوف عظمة الإله تتجلى كدامنا،،
العلم أسرع طريق إلى الله 💙
لذلك نصيحة من أختكم 🙊 لما تدرسون اربطوا المعلومة بحياتنا الواقعية..
مثلا الهيدفونات الي نلبسها هي عبارة عن موجات صوتية شلون الموجات؟
تخلخل وتضاغط !
هذا يا عآلم اكتشفها؟ وهكذا 😌
استمتعوا بفهم الكون من خلال هاللغة العلمية واعتبروها واجب مقدس مثل الصلاة 💙
مو طلب العلم فريضة ؟! °•~
وبعد اكو شغلة مهمة؛ العلماء مو ناس مملين مثلما نتخيل!
العلماء ناس شاعريين مفكرين وفنانين 🙊
اينشتاين جان يعزف ويفكر 🎶
مكتشف الألوان جان يحب الأزهار وألوانها 🌸
مندل أبو الوراثة جان يحسب النباتات 🌿
ناس بسطاء،
غيروا حياتنا
كل الأرض لازم تكون ممتنة للعلماء لولاهم جان لسه ما اكتشفنا الميكروسكوب والبكتريا وجان هسه خلصت البشرية من كثر الأمراض!
لذلك، أقل شي ممكن نسوي من نشوف اسم عالم كدامنا نقراه 💙
أغلب الأساتذة يتركون الصفحات الاولى من الكتب والملازم باعتبارها مو مهمة تحجي ع العلماء،
مع أنه هالصفحات تعتبر تاريخ أعظم ناس بالبشرية 💕
بعيدآ عن كل أوضاع العراق (العلم متوفر عدنا والنت موجود) 💙❤️
نكدر نستمتع بي 👍
تونسوا بالدراسة لحتى تحسون بمعنى الحيآة 😌
( تاك لجماعتكم الطلاب .. كله تعال شووف اشصايره هنا😒)
جرعة وعي
#fatma🍃