كاعد تصفح بمواقع التواصل الاجتماعي
شفت منشور مضحك... ضحكتشفت معلومة ،حكمة،مقولة......قريتها و ستفاديت منها ❤️
فجأه يجي كدامك منشور
والناس جاي تتناقش بيه
دخلت للتعليقات وجاي تقرا
قريت وقريت وفجأة صفنت بتعليق صرت هذا👈 😳بعدين👈😠
وبعدو دخلت للردود وبديت🚫توووووووو🚫وووووووت❌🙊🙈😓
تسب وتشتم😒
شخص بمجرد انه انطه رأي مخالف لرأيك😑
شخص لا تعرفه ولا يعرفك وانت جاي تغلط ع امه وابوه واخته وكل عشيرته وممكن حتى تتجاوز ع الدين والاخلاق كل هذا وانت تحجي بمكان عام يعني بأمكان الكل يشوفه😳وياخذ نظرة محلوة عليك وع اسلوبك.
وحيصير خلاف بينك وبين الطرف الاخر وممكن تحفزه يبدي يسب ويغلط عليك ..يغلط على والدك ووالدتك الي ربوك وتعبوا عليك ! ويستخدم نفس اسلوبك
وتستمر المشاحنات بالتعليقات والردود
والمنشور يطك😅
وناس ثانية يسوون تاكات لجماعتهم يكللولهم باع التعليقات واضحك وتصيرون طماشة للكل .
زين هسه انت وهو شتمتو بعض وواحد سب الخ
شستفاديتو؟ شنو الشي الي تغير؟؟
كدرت تنصحه؟ تغير رايه؟تغير افكاره؟؟!
أكييد لا !!
بالعكس ممكن بهالاسلوب يبقى مصر ع رأيه ويتعصب اكثر حتى لو كان رأيه غلط!!
انتو شايفين حالنا شون صاير !!
شايفين بلدنا وين وصلت !😧
شايفين الصراعات والنزاعات الي بينا ؟؟!
هالاشياء كلها تولدت نتيجة تراكمات للمشاحنات الي بينا ونتيجة عدم تقبلنا للأخر !
تره عمره السب والشتم ما جاب نتيجة غير الصراعات والنزاعات
يقول علي بن ابي طالب :
( لا تسيء اللفظ وإن ضاق بك الجواب )
إذا كان عندك رأي او نصيحة
اطرحها باسلوب سلس وحضاري ومفهوم مو تجيب مصطلحات ما انزل الله بها من سلطان وتحسب نفسك انك جاي تسوي فد شي 😏
بالعكس ..✋
انت جاي تنشر ظاهرة محلوة ابد ومسيئة لنفسك اولا
ولمجتمعك ثانيا وتنطي نظرة مشوهة للعالم عن بلدك 😔
وانت يا صديقي القاريء إن لم تكن واحدا منهم 😍
فساهم معنا بالتوعية للحد من هالظاهرة
يعني مثلا تكدرتسوي مشاركة للبوست 😉
بصفحتك،بكروباتك
ونسخ ولصق بردود تشوف بيها مشاحنات🙊
#حملة_الحد_من_السب_والشتم
#جهاز_مكافحة_الشتائم 😎
إنضموا إنضموا 😁