اريد اسألكم اسئلة 🙄
انت جنت بيوم من الايام طفل ترضع ؟؟
وزحفت ؟ وراها مشيت ؟ وراها انبسطت من اهلك لانو صرت وكح ؟😏
وراها صف اول ؟ ووراها وراها حد موصلت مراهقه ؟!
وراها صرت شاب/ة 😎
اكو احد ما مر بذني ؟؟! 🤔
زين سؤال :
جنت تحب احد يتجاهلك ؟؟ يضحك عليك ؟ يستهزء ؟ ميسمعلك ؟😢
اكيد جنت تضوج من الكبار اذا ساءو التصرف وياك ومرات تستهضم وتبجي وحدك 💔😭
اي هو هذا الانسان كمية من المشاعر والاحاسيس ،، ورقيق كولش خاصة من هو وصغير لانو بعدها شخصيته ممتكونه
باهله ومحيطه وبيئته تنصنع الشخصية القوية والحلوة 😍✌️ ،، دوم نشوف ناس ضعيفي الشخصية من نسأل يكولون اهله مجانو مهتميله من هو وصغير
مو صح ؟؟
شغله وحده بس انتبه الها ، شلون جنت تحب يعاملوك الكبار ويشاركوك وياهم وياخذون بكلامك ويحترموك
اتمنى تطبق هلشي ع كل طفل ديمر بمراحل صنع شخصيته وتكون الك لمسة حلوة بية 😍
اتمنى تكون وصلت الفكره ؟! 💚
مجتمعنه العراقي ما شاء الله الجبير ممحترميه وممعترفين بيه مو انوب الصغير ، فخل نقضي ع هلسلبية ونصنع جيل رائع بتعاملنه الحلو من هسه حتى من يكبرون محد ينبهم ع هلشي لانو شافو بعيونهم 💜
#آيات