تعال هنا اريد اسألك سؤال ❓❓
اذا اني تركت عائلتي واطفالي من دون اكل لمدة 7 ايام شراح تكول عليه؟؟
اكيد راح تكول ظالم ، مجرم، مجنون..... الخ
زين لمن تترك عائلتك واطفالك 7 ايام و 7 اسابيع ويمكن 7 سنين من دون ماتكللهم كلمة طيبة كلمة تحسسهم بالحب والامان كلمة تحسسهم بذاتهم وقيمتهم وتعزز ثقتهم بنفسهم شتكول عليها؟؟؟
تدري انه هالكلمات الي تتعاجز منها وتشوفها مامهمة تدري يحتاجونها مثل حاجتهم للاكل والشرب بالضبط.!
يكول ديل كارنيجي بكتابه "الثناء المخلص يلتمسوه مثلما يلتمسون الغذاء "
مو من تطلع مع اصدقائك وكدام الغريب تحجي كلام حلو ومعسول ووجه مبتسم ومن تدخل لبيتك واطفالك تكلب وجهك وتصير تصرخ بالرايح والجاي 😒
قال رسولنا الكريم محمد : "خيركم خيركم لاهله "
والمابيه خير لاهله مابيه خير لاحد....
واي شخص تريد تعرفه شوفه مع عائلته شلونه... 🌝
( اذا اعجبك المنشور بإمكانك مشاركته او إقتباسه .. لتعم الفائدة للجميع )
#نور