* عمار: السلام عليكم خوية تكدر اصلحلي هالمروحة مال السبلت عطلانة ؟
* احمد: و عليكم السلام و الرحمة هلة بيك خوية ان شاء الله تدلل .
اثناء فحص الجهاز عمار يدردم شنو هالعيشة اني وين انطي وجهي و امي فوكها تكلي روح غير جو اخذ بطريقك هالجهاز صلحه بلله شحجي وياها 😒
* احمد: خوية شبيك ضايج من الدنيا اتفائل و الله عز وجل شكال ( انا عند ظن عبدي بي اذا كان خيرا فخير و ان كان شرا فشر)
* عمار: خوش بس اليثرد يدري و الياكل شمدريه😪
* احمد : (اثناء التصليح )شصاير وياك كلي بلكي اساعدك !
* عمار: الدنيا مكلوبة فوك راسي قراية و امتحانات قربت و الملازم شكثرها و الاساتذة مصعبيها للمادة صدك ليش احجيلك و ادوخك خليك بشغلك اصور مراح تفهم معاناة الطلاب
* احمد : لا خوية غلطان اني طالب معهد فنون جميلة
* عمار :😳طالب؟ممبين عليك!
شي اكيد مبطل لو متخرج ..
* احمد : لا خوية ادرس و اشتغل اصلح المكيفات و السبالت شاحصل من هالشغلة اوفر بيه مصاريف الدراسة و السكن و الاكل .
* عمار : و شجابرك خلص دراسة و بعدين اشتغل ؟!
* احمد: و هم اشتغل بايام العطل و اكثر من الشغل بيها حتى اجمع مبلغ زين يكفيني مصاريف الدراسة لان احب اعتمد على نفسي و محب الاعتماد على ابويه او اي شخص اخر هذا الشي يفرحني و يسعدني😊
* عمار : زين السكن شعليه ؟ و اهلك !!
* احمد: اني من الموصل نزحت من دخلو داعش الها و اعيش اني و اصدقائي هنا بشقة استاجرناها على مصروفنا الخاص صارلنه 4 سنوات
عمار: طبعا اعرفتك من لهجتك 😅 اتشرفنا الله يساعدكم بس شعجب باقي لهسه بعد التحرير ؟
* احمد: حبيبي اهلي رجعو بس اني بقيت اريد اكمل دراستي يالله ارجع
عمار: ( بينه و بين نفسه شوف شلون مهتم بالدراسة ) زين اهلك تروحلهم؟
* احمد: اي كل 3 اشهر مرة واحدة تقريبا
* عمار: اوف 3 اشهر ؟!!
* احمد: نعم اني سويت هالبرنامج للروحي حتى مااصرف فلوسي بكروة السيارات التوديني للموصل و هم عاهدت نفسي ما ارجع للبيتنه و استقر الا و شهادتي بيدي و ارفع راس اهلي و اعوض امي و ابوية على تعبهم وياي .
* عمار: ( من الصدمة مكدر يرد و اكتفه) الله يعينك و اتفق وية احمد على موعد الي يستلم بيه الجهاز بعد التصليح .
*ظل عمار طول الطريق يفكر بكلام احمد معقولة هالحجي شنو هالاصرار و الارادة .. اني شنو فرقي عنه شناقصني شو الاكل اجيبلياه امي بين اديه و ابوية يدفعلي افلوس النقل و يطيني يوميتي و اني و لا عاجبني و لا مقدر تعبهم و فوكاها كاعد جوة البطانية و مكنك عود مجمع الملازم كبالي و اي واحد يجي ابجيله عود اني جاي اقرة و اذا واحد شاف بيدي الجهاز اكله جاي ادرس بيه !
احمد بالغربة و يدرس و يشتغل لو اني بمكانه اعوف الدراسة و ايس من الدنيا و الكاها حجه كبال الي يكلي ليش مكملت ؟
( اكله غربة و اشتغل و فوكاها رايدين ادرس)
😣 والله احس روحي صرت قزم كباله كل وسائل الراحة عندي و كلشي جاهز و مسوي منية من اقرة و هوه كل هالصعاب متفائل و عنده حافز للمستقبل و الدراسة .
انتبه ✋
ترة احمد شخص حقيقي و ليس من الخيال ..
#فاطمة
جرعة وعي
* احمد: و عليكم السلام و الرحمة هلة بيك خوية ان شاء الله تدلل .
اثناء فحص الجهاز عمار يدردم شنو هالعيشة اني وين انطي وجهي و امي فوكها تكلي روح غير جو اخذ بطريقك هالجهاز صلحه بلله شحجي وياها 😒
* احمد: خوية شبيك ضايج من الدنيا اتفائل و الله عز وجل شكال ( انا عند ظن عبدي بي اذا كان خيرا فخير و ان كان شرا فشر)
* عمار: خوش بس اليثرد يدري و الياكل شمدريه😪
* احمد : (اثناء التصليح )شصاير وياك كلي بلكي اساعدك !
* عمار: الدنيا مكلوبة فوك راسي قراية و امتحانات قربت و الملازم شكثرها و الاساتذة مصعبيها للمادة صدك ليش احجيلك و ادوخك خليك بشغلك اصور مراح تفهم معاناة الطلاب
* احمد : لا خوية غلطان اني طالب معهد فنون جميلة
* عمار :😳طالب؟ممبين عليك!
شي اكيد مبطل لو متخرج ..
* احمد : لا خوية ادرس و اشتغل اصلح المكيفات و السبالت شاحصل من هالشغلة اوفر بيه مصاريف الدراسة و السكن و الاكل .
* عمار : و شجابرك خلص دراسة و بعدين اشتغل ؟!
* احمد: و هم اشتغل بايام العطل و اكثر من الشغل بيها حتى اجمع مبلغ زين يكفيني مصاريف الدراسة لان احب اعتمد على نفسي و محب الاعتماد على ابويه او اي شخص اخر هذا الشي يفرحني و يسعدني😊
* عمار : زين السكن شعليه ؟ و اهلك !!
* احمد: اني من الموصل نزحت من دخلو داعش الها و اعيش اني و اصدقائي هنا بشقة استاجرناها على مصروفنا الخاص صارلنه 4 سنوات
عمار: طبعا اعرفتك من لهجتك 😅 اتشرفنا الله يساعدكم بس شعجب باقي لهسه بعد التحرير ؟
* احمد: حبيبي اهلي رجعو بس اني بقيت اريد اكمل دراستي يالله ارجع
عمار: ( بينه و بين نفسه شوف شلون مهتم بالدراسة ) زين اهلك تروحلهم؟
* احمد: اي كل 3 اشهر مرة واحدة تقريبا
* عمار: اوف 3 اشهر ؟!!
* احمد: نعم اني سويت هالبرنامج للروحي حتى مااصرف فلوسي بكروة السيارات التوديني للموصل و هم عاهدت نفسي ما ارجع للبيتنه و استقر الا و شهادتي بيدي و ارفع راس اهلي و اعوض امي و ابوية على تعبهم وياي .
* عمار: ( من الصدمة مكدر يرد و اكتفه) الله يعينك و اتفق وية احمد على موعد الي يستلم بيه الجهاز بعد التصليح .
*ظل عمار طول الطريق يفكر بكلام احمد معقولة هالحجي شنو هالاصرار و الارادة .. اني شنو فرقي عنه شناقصني شو الاكل اجيبلياه امي بين اديه و ابوية يدفعلي افلوس النقل و يطيني يوميتي و اني و لا عاجبني و لا مقدر تعبهم و فوكاها كاعد جوة البطانية و مكنك عود مجمع الملازم كبالي و اي واحد يجي ابجيله عود اني جاي اقرة و اذا واحد شاف بيدي الجهاز اكله جاي ادرس بيه !
احمد بالغربة و يدرس و يشتغل لو اني بمكانه اعوف الدراسة و ايس من الدنيا و الكاها حجه كبال الي يكلي ليش مكملت ؟
( اكله غربة و اشتغل و فوكاها رايدين ادرس)
😣 والله احس روحي صرت قزم كباله كل وسائل الراحة عندي و كلشي جاهز و مسوي منية من اقرة و هوه كل هالصعاب متفائل و عنده حافز للمستقبل و الدراسة .
انتبه ✋
ترة احمد شخص حقيقي و ليس من الخيال ..
#فاطمة
جرعة وعي