ايام الابتدائية جنت من ما أخذ درجة كاملة بالامتحان انقهر كلش وابجي☹️
فوالدتي من تجي تشوفني مقهوره
تكلي :
ماما هاي مو نهاية العالم بالإمتحان الثاني عوضيها
ويجي الامتحان الثاني وهم ما آخذ الدرجة الكامله💔😭
فيصيبني اليأس والاحباط واكول خلص اني مراح اجيب الدرجة الكاملة !
بس تستمر الوالدة تحفزني ع الامتحان الثالث
وفعلا بالامتحان الأخير اجيب الدرجة الكاملة 😋
من كبرت مريت بنفس الظروف بمواضيع اكبر (مراعاة لعمري) اكتشفت مؤخرا لابد المرور بدروب الظلام للوصول الى النور
القصد من هاي القصة :
كون على ثقه اخفاقك وفشلك بالوقت الحالي حيكون سبب لنجاحك مستقبلا..
خلي املك بالله قوي واي عائق يحيل بينك وبين حلمك استمد قوتك منه إسعى وتفائل ستصل بأذن الله🌸
#يسرا